بداية أنا مش ضد إن البنت تضمن حقوقها .. لكن أنا ضد تجريد (العائل- الورك) حتى النخاع
كإن دي العقوبة الحتمية لوهي ملت من الجواز لأي سبب
أو العائل مقدرش يواصل صبر وقرر ينقذ بقيت حياته
وبعدين هتاخد كل حاجة ماشي .... طيب والشقة ؟؟ هو يعمل إيه ؟؟
الفواتير المضروبة ؟؟؟؟؟؟؟
ترددت كثيراً قبل ذكر هذه النقطة لأن الكائن الي مايعرفهاش هيعرفها وممكن تؤذي العائل ... لكن قلت لنفسي كل المحامين عارفينها .. يبقى من حق الكل يعرفها في ناس كثير بتفركش (بتبوظ الموضوع) بسبب القائمة التي يطلبها أهل الزوجة ،
والتي تحوي كل ماتحتويه الشقة بدءاً من شبشب وفوطة الكائن لحد الثلاجة والتكييف .. ويكتب شرط (وركستاني مريض) في نهايتها .. يتعهد فيه الزوج بالحفاظ على تلك المنقولات وتسليمها لل(كائن) في حالة الطلاق أو تسليم قيمتها المادية وقت الشراء في حالة استهلاكها ..... !!!!
يعني كل حاجة لازم تفضل جديدة عشان المزة لازم تاخدها جديدة لما تزهق منك ومن شغل البيت (خلي بالك هي مش خدامة !! و ما عندهاش صبر .. وده عذرها الحقيقي في طلب الإنفصال... لكن هي بتجيب حجج أكبر (لو عندك أولاد : هتقول ده سادي ،أو ده بخيل، لو ربنا لم يرزقك باولاد : هتقول : ده ما بيعــــرفش ...... الخ) بصراحة إنت هتطلع غلطان غلطان
في النهاية هتطالب بالقائمة ،
واحتمال كبير في القسم ... ووقت التسليم هتحصل أكبر مفاجئة!!!!!!! الهانم هتقول (دي مش حاجتي!!!) ليه بقى يامعلم ؟!! عشان تاخذ فلوسها كـــــــــاش !! صحصح معايا !! هتعمل ايه بالكراكيب اللي اتفننت في شرائها هية ونعيمة الصغير (حماتك يامعلم) ... (نجف ، سجاد ، تحف ... وبواقي محتويات مغارة علي بابا) كل ده مالوش لازمة دلوقتي ... هي كانت جايبة الحاجات دي عشان تغيظ بنت خالتها وصاحبتها و مراة أخوها وأخت جوزها .....) لكن دلوقتي هي محتاجة تمويل مادي يضمن لها حياة رغدة ( أنتخة ،تدخين،نادي ،عربية) وتاني بأعلى صوت (صباح الخير بالليل !!! خير إيه بقى يا جميل !!! قول... يا سواد الليل!!) ؟؟؟
..
ومحكمة الأسرة ما بتهظرش ... وعندهم (الست زي القطنة بتاعة مدام نظيفة ...مابتكدبش !!!) وعيش حياتك .... و خلي بالك لو اتحكملها بالفلوس للتبديد
فيها سجن يا معلم لو ما دفعتش
!!! نصائح ثمينة *
إياك ثم إياك ثم إيــــــــــــــــــــــــاك تكتب الشبكة في القائمة ... ليه بقى يا سيدي .. لأن الكائن بتشيل الشبكة عند امها او بتلبسها وهي سايبة البيت أو بتحطها في شنطتها او بتكون باعتها عشان انت تزود وتجيب حاجة اعلى (في مرحلة الدلع الإغوائي) على كل حال هتكون ملزم بسداد قيمة الشبكة ... لتاني مرة تخيل !!!مهزلة وهمية .... كل ده ليه !! لأنك اتجوزت .. بصراحة تستاهل
الحل القانوني : إلحق وهات اثنين شهود بسرعة وروح اعمل محضر إثبات حالة في القسم واثبت انها خرجت مرتدية كامل حليها ... وربنا ينصرك ....
نرجع بقى لأهم حاجة وهي عنوان الفقرة (الفواتير والفواتيرالمضروبة):
أ- لو اعترضت و ماكتبتش القائمة .. وأقنعت نفسك انك خرجت من المطب ... هيكون بتهيألك !!!! لأن القانون صاحيلك وهدفه تركيعك بكل الوسائل ... فقام بتوفير سلاح بشع يضمن الفتك بالعائل .. وهو
الفواتير : - (حيث ينص القانون على ان ماتحضره الزوجة لمنزل الزوجية هو من باب الأمانة لدى الزوج و هو ملزم به وقت الطلاق ، وليس من الضروري وجود قائمة منقولات بل تكفي الفواتير ..إسال أي محامي وإتأكد يا بطل
المهزلة تكمن في : أ- ممكن الزوجة تضرب فواتير وقت الخطوبة أو أثناء الزواج ب- اي حاجة هتشتريها الزوجة لأهلها أو أصدقائها بفاتورة بإسمها .. ممكن تتبلى عليك بيها ... !!! لو قدمت صور الفواتير المضروبة ، والمحامي بتاعك ما عملش "جحد للصور الضوئية = طعن بالتزوير) ده يبقى اعتراف غير مباشر منك بصحة الأوراق المضروبة ، والقضاء بيقبلها
ومحامين كثير بيتباعوا في المرحلة دي ... لأن الرشوة مغرية وفي ناس عندها كله حلال ... (وهيقول المحامي لنفسه : استفت قلبك ...وقلبه هيقول له موكلك راجل ظالم ، والمزة دي طيبة .. مممممم يبقى يستاهل ابيعه
وانسى موضوع العدالة ... لأن ما فيش عدالة ... في شهود زور ب 200 جنيه الفرد وفيه ناس بتشوف الحق وترفض تشهد .. ومحامين بتتباع..وقرايب بتشمت .. و128 قضية طلاق في اليوم في الدائرة الواحدة ... وصباح الخير بالليل دي اسباب خلت الواحد يفكر 1000000 مرة قبل ما يتجوز (شوف اشرف عبد الباقي وهو بيهرب في اللحظة الأخيرة قبل كتب الكتاب في مسلسل "مذكرات زوج عصري" ) عشان كده العنوسة زادت ، ولجؤا للإكتفاء الذاتي وبقوا ليسبيانس .. وطظ في العائل بقى
No comments:
Post a Comment