يقول أنيس منصور: الجنس هو الحب في ملابس تنكرية !!؟
وأختلف معه الرأي ..فأنا أرى أن الحب هو الجنس في ملابس تنكرية
وهذا قد يشكك في وجود الحب من الأساس ...... وإذا كان موجوداً بالفعل.... فلماذا ينضب* دائماً ؟
هل الحب كلمة نستعيرها لنرفع من شأن عاطفة نستحي من تجريدها ؟
حيث أن تجريدها من قناع الحب وكلماته يجعلها خادشة للحياء
أم هو مفتاح للوصول لإمرأة اعتادت أن تحب بأذنيها !!؟
والمشكلة إن أنا محتار ..... ً لأني ضد القناع وبرده ضد الجرأة والوقاحة لأن برده مستحيل يكون فيه إحساس من غير
Chemistry and Passion
زمان كنت بشوف الوراك اللي بتكذب وبتلبس قناع الحب عشان يوصلوا لهدفهم من كتكوتة بريئة او غيرها كنت بشوفهم مخادعين و عار على الرجولة .. لأني كنت معتقد ولا زلت إن الكذب = ضعف وجبن ..... الفن إن إنت توصل من غير ماتكذب ... والعبقرية إنك تكبر دماغك أصلاً... وده مستحيل للأسف ...
والمهزلة كانت بتبقى في حاجة تانية .... إن البنات دايماً بتصدقهم (وبتحب القناع) !!؟
... وده كان شيء مذهل بالنسبة لي ... الأفلام كلها بتشرح اللعبة بشكل تكراري ممل ... ومحدش بيتعلم ..ودايماً القصة بتبتدي بــــــ
ورك (يبحث عن دجاجة ذات وراك وصدور مخلية) كثير الإلحاح منعدم الكرامة -الفرخة بتهزقه وصبره لا نهائي ولا ينفذ ابــداً
+
فرخة تقاوم باستسلام (عينيها بتقول : امتى بقى تاخدني للعشة بتاعتك) لكن شكلاً بترفض عشان تعزز ريشها
+
عامل حفاز وهو التظاهر بالتوافق في الفكر والهوايات وإنهم بيحبوا نفس نوع البيض.. وإنهم حاسين إنهم يعرفوا بعض من زمان ..من أيام ما كانوا في الكرتونة ..!!؟
وكل الكلام اللي أي كلام .... ودي مرحلة بسميها مرحلة المرآة **؟
+
إضافة عامل حفاز آخر وهو غاية في الأهمية (شوية دلع إغوائي من الفرخة) لتسخين الورك على سبيل المثال :إرتداء ملابس ضيقة ، التغيير في اسلوب التحدث وإدعاء الأنوثة مع التحدث أحياناً عن حبها للرقص الشرقي وهز الوراك أمام المرآة منذ صغرها
علاقة =
ثم النهاية التقليدية للعلاقة
الورك بيخلع عشان من مبادئه ....عدم الزواج من فرخة غلط معاها
+
قيام الفرخة بعمل اجهاض للتخلص من البيض الملقح لعدم اعتراف الورك بالجنين.... وبعدها غشاء صيني في السريع .. عشان ورك تاني يلبس
أو
البنت بتخلع عشان تتجوز ورك جاهز بدل الورك الي لسة ماستواش (عايش في جيب
Alpacino أبوه على رأي
وبعدين ده لسه بيدرس بينجح ويسقط .. مش قادر يشيل مسئولية
ده حتى مش قادر يشيل بنطلونه اللي ساقط منه طيب هي ليه مشيت معاه من الأول؟؟؟؟؟
كانت فاكراه هيبقى عبقري عصره ... طبعاً لأ؟؟؟؟
هي كانت بتريح ضميرها وتشتغل نفسها وتقول (بيحبني وهنتجوز) عشان تقدر تبص لنفسها في المراية بكل فخر
لكن المصيبة إن فيه بنات بقت تطلب الكذب عيني عينك!!!؟؟؟
وتقولك : من البداية أنا مقدرش اتعرف عليك إلا إذا قلتلي إن في إحتمال إن إحنا نتجوز!!؟ حتى لو مش هنتجوز!!؟؟؟ ...
طيب بذمتكوا .. في كده !! .. أي ولد منافق ... هيوعد عشان كله يبقى تمام والأهداف تتحقق
وده اللي خلاني أكتب الموضوع ده
كفايا إشتغالات .. و بلاش ماسكات
*( ينفذ تدريجياً= to run out) =ينضب
** The Mirror Phase:مرحلة المرآة
هي المرحلة التي تلي مرحلة الإعجاب وتسبق مرحلة الدلع الإغوائي .. وهي الفخ الحقيقي خاصة إذا تم إستخدامها في الخطوبة .. لأن في المرحلة دي بيكون العقل لسة شغال .... قبل ما يتسطل ويضيع في مرحلة الدلع الإغوائي .. واللي ما بيبقاش شايف فيها غير ...... فاهمني طبعاً
Prey simulationمرحلة المرآة بتقوم فكرتها على محاكاة الفريسة
ويقوم بها الذكر للتقرب من الأنثى وإقناعها بأنه شريك العمر متظاهراً بأنه يحب ما تحب ويكره ما تكره ..
وتقوم بها الأنثى لإصطياد عريس مسكين ... حتى تتغلغل إلى عقله ثم تحكم سيطرتها في المرحلة التالية ...
http://www.youtube.com/watch?v=a86QgZVgbyQ&feature=related
I couldn`t find anythin` better Than Pink Floyd to Describe the Seduction Phase .. The Wall Movie Has Everythin` In Life In A Naked Form With No Masks..And The Flower Scene Was Brilliant In Every little Detail ,
Attraction -> 1st Stage Of The Seduction -> The Male Doubt And Fears -> 2nd Stage Of The Seduction ................... Finally The Miserable End
No comments:
Post a Comment