False Euphoria الـحـب الأول و مــتـعـة الـلحـظات الـمسـروقـة : 1

(تحذير للقارئ الكريم)

لا تقرأ هذه المقالة :

1- لو إنتَ أوأنتِ من النــوع المتـفـــائل أوالحــالــم

2- لو كانت حياتك سوية والحمد لله

3- لو كنت راضي وصابر على حيـــاتــك كورك أو وركة تـقــليـديـة

لأنك لو إنت من النوع الأول هـتـفـقـد الـتـفــــاؤل .. وده حرام

ولو إنت من النوع الثاني مش شايف أو حاسس بمشكلتـك (مغيب يعني) : زي واحد عنده برد و بياكل حاجة سيئة الطعم ومبسوط ... فحرام نفوقك على الواقع المرير ونخرجك من الموود ونصحيك من الحلم الجميل ...

ولو كنت من النوع الثالث : فحرام نزود همك أو نفتح عينيك على هموم ممكن تكون مش شايفها أو مش فاهمها (لو إنت محظوظ) وكفاية ندعيلك بالصبر ...

و

المقالة بتجسد المشكلة (الحب الأول)

و

بتـناقـش إفتراضية التعايش مع ذكرى هذه المشكلة في حالة فشلها المحتوم

ثم

محاولة حل المشكلة الجديدة بمشكلة أكثر تعقيداً (زواج الصالونات ) ثم النهاية مع قصص مرعبة من الواقع عن المشكلة أو المشاكل دي بمعنى أصح ...

البداية :

البنت أو الولد بيــمر بمرحلة المراهقة وبـيــكون العـقـل فيها مغيب .. وكل شيء وردي و وهمي ودي مرحلة الطـيران والتحــليق مع الأحلام الوركية ... والمرحلة دي مش مرتبطة بسـن معـين زي ما كل الناس فاكرين .... بالعـكس دي مـمـكن تيـــجي في أي وقت وأكثر من مرة .. والتربية (حصار الأسرة) أو الإنشغال بالتعليم (طلبة الطب والعقليات المعملية الفذة) من العوامل المؤخرة ليها ...

ودي مرحلة لها أكثر من ميزة وأكثر من عيب ...

المزايا :

1- نقاء الشعور و *False Euphoria : يعني كل حاجة بتكون Pure إثارة وإستمتاع كامل لأن مافيش تجربة سابقة للمقارنة ...

مثلاً: كل واحد بيفضل فاكر أول لمسة وأول Kiss وبيفضل يقارن بيها أي حاجة تيجي بعد كده (ودي بذرة عدم الرضا في حالة عدم الزواج من الحب الأول)

وممكن أي واحد يتأكد لو جرب يقابل الورك الأول بعد ما كبر .. وهيعرف إنه كان أهبل وهيشكر ربنا إن الموضوع فشل ويندم على كل طيف ليه عدى في خياله ...

2- الغياب الكامل للعقل Lack Of Perception : لأن العقل لو إشتغل هتفهم إن العلاقة دي محكوم عليها بالفشل أوهيصحي ضميرك اللي هيقولك حرام ويفسد عليك متعتك.. وغياب العقل من أهم مميزات نجاح أي علاقة في أي فترة زمنية ... لأن العقل من الصعب أو المستحيل إرضاؤه ... وفي حالة غيابه يكون الإحساس نقياً حتى لو كان مؤقتاً أو كان الشريك مش متمتع بمواصفات الجودة الأساسية ..

Qualifications Standard ..

3- الحب الأعمى  والتسامح الغير محدود ... والسبب عكس الحكمة اللي في نهاية المقال ......

4- Forbidden Fruits Are the Sweetest : ودي قاعدة عامة .. فالممنوع مرغوب وده من أهم العوامل الحفازة للحب الأول

العيوب :

هي نفسها المميزات ..... وده شيء مذهل ... لما تكون متعتك اللحظية هي سبب الحزن المزمن والـ Endless Suffering....

هاهاها   (صوت لضحكات غبية مستهزأة بالقارئ)

والغريب في الموضوع إن الحب الأول دايماً بيجسد حالة حزن ومعاناة للكل:

1-النوع الأول : اللي معداش عليه (البنت أو الولد التقليدي اللي بيكبر ويتجوز برده تقليدي  ويلاقي التعاسة الحتمية فيندم إنه ماتجوزش عن حب أو ما عش حياته قبل الجواز ... وتلاقيه بيقول دايماً بحزن : أنا إتاخدت من الدار للنار) ...

وأغلب المصايب الخارجية (خارج الأسرة) بتحصل بسبب النوع ده ... وبيتقال عنها ..مراهقة متأخرة وبيكون النوع ده في أغلب الأحيان بطل قصص الحب اللي من طرف واحد ...

مثلاً :

- لما بنت تروح مكتب دكتور أو أستاذ عشان تسأله أو تسلمه بحث وتسلم عليه ويفضل الباشا ماسك إيدها وهو بيتكلم (وساعات يقفش بإيده التانية عشان يحكم الإحاطة ... ويزيد من كمية الشحن) ...

- لما الدكتور أو الأستاذ تكون قاعدته في التصحيح :إن التقدير من حق أقصر جـــيـبة بتعري الوراك ,و اكثر بادي مفتوح يعري الـ ......

وقمة التفوق للي تخلعهم ولبيته تروح ...

وعشان كده عملوا إختبارات الشفوي ، عشان الدكاترة المرضى يختاروا براحتهم ويبقى فيه فرصة للمعاينة  و الخلوة الشرعية ...

- لما المدير يلف وييجي خلف مكتب السكرتيرة عشان يفهمها شغلها ..

- لما المدرس يطبطب على التلميذة بسبب ومن غير سبب ... مممم وساعات على التلميذ في زمن الشذوذ الحالي ....

- لما راجل كبيـر وشايب يحاول يعاكس بنت قد بنته في الشغل ... ويمدح جسمها أو يحكيلها عن مشاكله الخاصة !!!!

- لما خريج كلية يحب يعيش بعد ما خلص كلية ويحاول يعاكس ... ويبقى عامل زي واحد مش عايش في زمنه ويستظرف بحاجات تدعو للغثيان أكثر منها للضحك

2- النوع الثاني: للي وقع فيه .................

تابع الجزء الثاني ...

زواج الصالونات وحصاد الشوك Rumination Of Love

حكم وأمثلة :

بداية الحب نهاية العقل

فبالحب لا نعقل وبالعقل لا نحب

أجمل مافي العشق أنه يجعل الوهم حقيقة والكذب ضرورة

الوهم أعظم سعادة ..والسعادة أعظم وهم

كل شيء في الدنيا يكون صغيراً ويكبر إلا المصائب والحب

Stolen Moments Are The Sweetest

Euphoria* : a feeling or state of intense excitement and happiness

7'aly 3a2lak ely Foaa2 2afak .... mesh ely bein el Werak